Doce estampas de Ponte Caldelas ilustran o calendario municipal para 2023
Por Redacción
O novo calendario de Ponte Caldelas xa está na rúa. Durante todo o ano 2023, aos veciños do municipio acompañaranlle doce estampas inmortalizadas por todas as súas parroquias.
O calendario, que vén cheo de fotografías a todo cor, repartirase gratuítamente por todos os domicilios de Ponte Caldelas, tanto no centro urbano como no rural, porta por porta.
Cada un dos exemplares que se editaron chegarán directamente á caixa de correos dos veciños.
Así, a igrexa da Inmaculada Concepción, en Silvoso; o Palco da Música, en Vilarchán; en ponte sobre o río Verdugo, en Ponte Caldelas; ou a danza celta na igrexa de San Andrés, en Anceu; son algúns dos protagonistas.
"Espero que vos guste. Fixémolo con moito agarimo", destacou o alcalde, Andrés Díaz, tras presentar o calendario a través de redes sociais.
Neste calendario, como é habitual, figuran todos os eventos e as festas de todos os lugares de Ponte Caldelas, para que os seus residentes estean ao día das feiras que se celebran.