Xulgan un pontevedrés por usar unha nena para vender cocaína
Por Oskar Viéitez
A Sección segunda da Audiencia Provincial celebrará o vindeiro martes un xuízo contra un veciño de Pontevedra acusado dun delito contra a saúde pública na súa modalidade de tráfico de substancias estupefacientes, concretamente cocaína. O acusado é reincidente neste delito.
A Fiscalía solicita para este individuo unha condena de cinco anos e nove meses de prisión e pena de multa de 300 euros.
Segundo o escrito de acusación do Ministerio Fiscal, o 23 de marzo de 2021, sobre as 19:20 horas, o acusado dirixiuse á rúa Echegaray nun vehículo conducido por outra persoa, estando acompañados tamén dunha menor no asento posterior. Ao chegar ás inmediacións do centro de saúde Virxe Peregrina, baixou do coche coa nena e, tras contactar por teléfono cun dos seus clientes, entregou á menor unha papelina de 0,331 gramos de cocaína para que lla entregase ao comprador que lle pagou cun billete de 10 euros.
Unha patrulla da policía observou a situación e interveu de maneira inmediata.
Relacionadas:
-
Condenado a dous anos de prisión un veciño do Vao que trapicheaba con droga usando unha nena
Por Natalia Puga |
-
A Policía Nacional desartella nas Rías Baixas un grupo criminal ao que se lle interveu máis de cinco toneladas de haxix
Por Oskar Viéitez |
-
Prisión provisional para cinco dos detidos en Arousa, acusados de tráfico de drogas
Por Oskar Viéitez |