Un camión perde un depósito de mercadorías perigosas no polígono do Campiño
Por Redacción
Os efectivos de emerxencia mobilizáronse este xoves no polígono industrial do Campiño tras producirse unha vertedura de substancias perigosas.
En concreto e segundo informa o 112 Galicia, un camión perdeu parte dun depósito no que transportaba máis de 1.000 litros de líquido corrosivo nunha das estradas do polígono industrial.
Aínda que desde un primeiro momento valorouse como baixo o risco de contaminación dos ríos da zona, os Bombeiros de Pontevedra traballaron con rapidez para limpar a mancha e evitar males maiores, mentres a Garda Cibil de Tráfico regulaba a circulación.
Ademais o 112 informou da situación á Policía Local e a Protección Civil.
O suceso produciuse pasadas as 12.30 horas do mediodía.