A APDR celebra este sábado o 20 aniversario da condena a Ence por delito ecolóxico
Por Redacción
A Asociación pola Defensa da Ría (APDR), que preside Antón Masa, celebrará este sábado 12 ás 12.00 horas no Centro Social Gorgullón, situado na Rúa Curtidoira, a conmemoración dos vinte anos da condena a Ence e Elnosa por delito ecolóxico.
O acto consistirá nun debate sobre a importancia daquela resolución xudicial e a repercusión que tivo sobre a actividade posterior da APDR. A esta cita acudirá o avogado e ex concelleiro en Pontevedra, Vicente Legísima, a quen a asociación considera o verdadeiro artífice da primeira condena por delito ecolóxico a unha fábrica de pasta de papel no Estado español.
O debate será libre e aberto ao público e durante o seu desenvolvemento analizarase a condena que confirmaba a existencia dun delito ecolóxico, ademais de dous delitos continuados de danos e catro faltas contra as persoas que se recollía na resolución xudicial.
Ao finalizar o debate, as persoas asistentes terán a oportunidade de degustar uns petiscos.
Relacionadas:
-
20 anos tras a condena a ENCE por delito ecolóxico: "A pesar do que a xente poida crer é un fito moi importante"
Por Almu Dapena |
-
A APDR vai "cínico e incoherente" a Rafa Domínguez polas súas críticas ao parón do Plan Social de ENCE
Por Redacción |
-
A APDR apunta á "evidente responsabilidade de Ence" na seca do Lérez
Por Redacción |
-
A APDR colga unha coroa de eucalipto ante a fábrica de Lourizán e proclama "Ence está morta"
Por Oskar Viéitez & Cristina Saiz |