"Éxito de participación" no Samaín de Salcedo organizado pola Asociación Cultural Casa Verde
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
No Centro social de Salcedo, máis coñecido como a Casa Verde, celebrouse a pasada fin de semana a festa do Samaín.
Os organizadores aseguran que "foi todo un éxito de participación", e calculan que unhas cincocentas persoas acudiron á festa.
A temática deste ano foi o mundo das meigas, "boas e malas" e segundo sinalan "a decoración foi espectacular", elaborada polos membros da Asociación Cultural que levaban traballando tres meses nela. Da animación ocupáronse Javi Solla e Tere.
Agora xa están a preparar as próximas actividades que serán o día 30 de decembro cun baile de fin de ano para rapaces e o 1 de xaneiro, o baile de Aninovo co Grupo Rever e o DJ Dolce Vita.