Vaipolorío precisa axuda para limpar de árbores caídas ao río Tomeza
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O colectivo ecoloxista Vaipolorío busca voluntarios que queiran participar nunha nova xornada de limpeza. Nesta ocasión, o traballo estará centrado na retirada de árbores caídas sobre o carreiro no tramo rural do río Tomeza (Gafos)-
A cita será este sábado 5 de novembro e as persoas que estean interesadas en participar deberán acudir ás dez da mañá.
É importante que quen desexe asistir o comunique antes do sábado chamando ao teléfono de contacto 676842942 para organizar o traballo en función dos asistentes.
Con esta iniciativa Vaipolorío pretende facer practicable o carreiro na súa totalidade e facilitar o paseo dos usuarios e minimizar os efectos que se rexistran durante a época de choivas no outono e no inverno con inundacións debido á crecida do río.
Non é preciso que as persoas voluntarias traian ferramenta.
Árbores caídas no leito e o carreiro do río Gafos
Vaipolorío