Martín Códax, elixida mellor adega aberta ao turismo de España
Por Redacción
Martín Códax foi elixida mellor Adega Aberta ao Turismo de España nos VI Premios de Enoturismo "Rutas del Vino de España" que outorga cada ano a Asociación Española de Cidades do Viño (ACEVIN).
O xurado desta VI edición, composto como noutras edicións por membros de diferentes ámbitos profesionais relacionados co sector, recoñeceu a Bodegas Martín Códax "a extraordinaria adecuación enoturística dos seus espazos, a súa calidade e aposta pola sustentabilidade, así como a ampla gama de servizos e experiencias ofertadas, renovados periodicamente e resaltando os valores e tradicións locais".
Destacan tamén, o "acertado enfoque na promoción e comercialización do enoturismo", utilizando recursos modernos, atractivos e de calidade, buscando todo tipo de públicos, pero prestando especial atención aos mozos para involucralos e formalos na cultura do viño.
O acto de entrega terá lugar o próximo 17 de novembro no Auditorio do Museo Reina Sofía de Madrid.
Relacionadas:
-
A adega Martín Codax será a sede do IX Campionato de Sumillería Suso Domínguez
Por Álvaro Arosa Barco |
-
Eladio y los Seres Queridos e Las Antonias pechan a IX edición do ciclo musical 'Os Xoves de Códax'
Por Redacción |
-
Pablo Lesuit e Jenny and the Mexicats fan vibrar o público de "Os Xoves de Códax"
Por Redacción |
-
Xabier Díaz e Antía Muíño: dúas xeracións musicais que se volven cómplices en "Os Xoves de Códax"
Por Redacción |
-
Uxía e Javier Ruibal, con Pedro Guerra, dotan de nova melodía ás poesías de Rosalía e Lorca, en "Os Xoves de Códax"
Por Redacción | Creada e actualizada