Atropelada unha muller nun paso de peóns en Caldas de Reis
Por Oskar Viéitez
O Servizo de Emerxencias 112 informou dun atropelo en Caldas de Reis ás 11:28 horas deste luns.
Unha muller resultou atropelada cando cruzaba por un paso de peóns na rúa Pedro Mateo Sagasta. A condutora da furgoneta que a arrastrou estaba moi nerviosa e non acertou a explicar por que non freou a tempo.
Segundo informaron membros de Protección Civil de Caldas de Reis a ferida sangraba pola cabeza e doíase dun golpe nas pernas.
A ambulancia tardou 25 minutos en acudir. Mentres tanto muller permaneceu inmobilizada na calzada. Os axentes da Policía Local regularon o tráfico polo único carril que quedou dispoñible.
SAÍDAS DE VÍA
A primeira hora da mañá tamén se rexistraron varios accidentes por saídas de vía. O máis destacado tivo lugar ás 9:30 horas en Moraña á altura do Pazo da Buzaca, onde unha persoa tivo que ser atendida por Urxencias médicas tras sufrir un golpe ao saírse da estrada o vehículo que conducía.