Un novo estacionamento gratuíto cubrirá a demanda na contorna dos colexios Chan do Monte e San Narciso
Por Redacción
As inmediacións do IES Chan do Monte e do colexio San Narciso de Marín terán un novo aparcadoiro público gratuíto con capacidade para 50 vehículos.
O Concello de Marín habilitará unha parcela de 1.200 metros cadrados para dotar a ambas infraestruturas educativas dunha zona de estacionamento.
Desta maneira, tal e como destaca o Concello, cóbrese a demanda de estacionamento que xeran os cursos de FP que imparten ambos centros, nos que moito alumnado, pola súa idade, vai en coche propio.
O Goberno local de Marín destaca, a través dun comunicado, que con esta posta a punto da parcela, conséguese que practicamente todos os centros educativos da vila teñan asociado un parking público para dar este servizo aos seus usuarios.
Ademais, lembran que o Goberno municipal segue a buscar alternativas de ordenación do estacionamento que permitan integrar os dous obxectivos de mobilidade que persegue Marín: mellorar o espazo para dotalo de áreas máis peonalizadas e seguir ofrecendo opcións de estacionamento abondo para cubrir a demanda.
Relacionadas:
-
A punto o novo aparcadoiro público gratuíto para o Chan do Monte e o Colexio San Narciso
Por Redacción |
-
Paneis informativos en Marín para avisar da ocupación dos aparcamentos e do tráfico
Por Redacción |
-
Habilitan un novo aparcamento público gratuíto no centro urbano de Marín con capacidade para 50 coches
Por Redacción |
-
Operacións de limpeza nos aparcadoiros gratuítos de Marín
Por Redacción |
-
Marín terá novos aparcamentos públicos e gratuítos con límite 2H "antes do inicio do verán"
Por Redacción |