Paneis informativos en Marín para avisar da ocupación dos aparcamentos e do tráfico
Por Redacción
Reducir os desprazamentos en coche permitindo que non se xeren tráficos innecesarios no corazón urbano da vila. Ese é o obxectivo da iniciativa que Marín vai a poñer en marcha.
Trátase da creación dunha plataforma que informará á cidadanía do estado de ocupación dos distintos aparcadoiros e do fluxo de tráfico co obxectivo de que a cidadanía poida decidir con certa previsión onde probar a estacionar o seu vehículo.
Esta información, que se ofrecerá en tempo real nas vías máis concorridas da vila, publicarase na web municipal, así como nos distintos paneis que se instalarán no municipio.
O sistema funcionará mediante a recollida de imaxes a través de cámaras e enviando unicamente o dato de ocupación que hai nas distintas rúas.
Esta iniciativa enmárcase dentro do proxecto Smart Mobility, incluído na estratexia Marín Dusi, cofinanciada nun 80% polo Fondo Europeo de Desenvolvemento Rexional da Unión Europea.
Esta medida súmase ao proxecto MARES (Marín Estacionamento), no que se crearon materiais de divulgación para a cidadanía con todos os aparcadoiros públicos situados nun mapa, ou á implantación da zona de dúas horas de estacionamento gratuíto con horario limitado.
Relacionadas:
-
O sistema Smart Mobility estará dispoñible en Marín "a partir deste verán"
Por Redacción |
-
Un novo estacionamento gratuíto cubrirá a demanda na contorna dos colexios Chan do Monte e San Narciso
Por Redacción |
-
Habilitan un novo aparcamento público gratuíto no centro urbano de Marín con capacidade para 50 coches
Por Redacción |
-
Marín terá novos aparcamentos públicos e gratuítos con límite 2H "antes do inicio do verán"
Por Redacción |