11-D, data escollida polos socialistas para as primarias en Pontevedra
Por Anxo Lourido
A última asemblea local do PSdeG-PSOE de Pontevedra permitiu coñecer as datas de calendario que se manexan para as primarias previstas na agrupación. A data escollida é o domingo 11 de decembro para que a militancia socialista vote ao seu candidato á alcaldía de Pontevedra.
As precandidaturas deberanse presentar entre o 21 e o 22 de novembro, día en que se proclamarán xa as precandidaturas de maneira oficial. A partir do día 23 de novembro comezará a recollida e presentación de avais ata o 29 de novembro ás 12.00 horas, data en que finaliza este período.
A proclamación, unha vez revisados os avais, de precandidaturas está prevista para o 30 de novembro. Entre o 1 e o 10 de decembro está previsto o desenvolvemento da campaña de información.
O 11 de decembro realizarase a votación que, atendendo aos resultados, permitirá unha proclamación provisional a última hora da xornada para pasar a ser definitiva o 15 de decembro. En caso de ser necesaria unha segunda volta vai levarse a cabo o 18 de decembro e o 22 dese mesmo mes proclamaríase ao candidato socialista á alcaldía.
A disputa ata o momento prevese entre dous dos integrantes da corporación pontevedresa: o portavoz do grupo, actual tenente de alcalde e candidato socialista á alcaldía en 2015 e 2019, Tino Fernández; que se enfrontará ao concelleiro de Desenvolvemento Sostible, Iván Puentes, actual secretario da organización local, que xa anunciou tamén a presentación da súa candidatura a estas primarias.
Relacionadas:
-
Tino Fernández renuncia ás primarias acusando o PSOE local de falta de neutralidade
Por Alejandro Espiño |
-
O PSOE 'oficializa' as súas primarias en Pontevedra e confirma a Tino Fernández e Iván Puentes como candidatos
Por Alejandro Espiño |
-
Tino Fernández ou Iván Puentes, só pode quedar un á fronte do PSOE pontevedrés
Por Alejandro Espiño |
-
Iñaki Touriño preséntase como candidato socialista á Alcaldía da Lama
Por Redacción |
-
Iván Puentes: "Quero un PSOE que, sen complexos, aposte por gañar as eleccións"
Por Alejandro Espiño & Mónica Patxot |
-
Iván Puentes inicia a carreira para liderar o cartel do PSOE nas municipais de 2023
Por Redacción |
-
Tino Fernández quere repetir como candidato do PSOE: "Boa parte da militancia animoume a dar este paso"
Por Alejandro Espiño |