Os veciños da Grela ceden terreos para mellorar unha pista en San Xulián
Por Redacción
Os veciños do lugar da Grela viron mellorada unha pista grazas á intervención que acometeu a Comunidade de Montes de San Xulián en colaboración co Concello de Marín.
A obra foi realizada pola empresa Caldevergazo S.L. que mellorou o estado dunha pista dunha lonxitude aproximada de 300 metros.
Os traballos realizados consistiron en desterres, picado de roca, explanación, colocación de muro, tubos, pavimento de formigón no inicio e saburra na práctica totalidade da pista cun ancho de 5 metros en toda a plataforma de rodadura, que se conseguiu grazas á colaboración veciñal que fixeron unha cesión das súas parcelas.
O gasto foi asumido nun 90 % pola Comunidade de Montes de San Xulián e un 10 % polo Concello de Marín.
Esta obra forma parte dun plan que ten en marcha desde hai uns anos a Comunidade de Montes de San Xulián na parroquia para ir mellorando diversos espazos. Desde a entidade agradeceron a colaboración municipal e expresaron a súa vontade de seguir mellorando diversos puntos da parroquia.
Relacionadas:
-
Denuncian actos vandálicos na parroquia de San Xulián
Por Redacción |
-
Concello, comuneiros de San Xulián e veciños de Pardavila cooperan para repoboar o rural marinense
Por Redacción |
-
O proxecto de ampliación de abastecemento de auga beneficiará a 18 vivendas de Macenlle
Por Redacción |
-
A rapazada estrea os novos parques do Lago Castiñeiras
Por Redacción |