O verán tamén é época de Entroido... polo menos en Xeve
Por Redacción
Houbo que desempoar os disfraces en Xeve, pero o esforzo mereceu a pena. Centos de persoas gozaron este sábado do primeiro Verantroido que se organiza na parroquia.
Esta iniciativa, impulsada pola asociación SondeXeve, encheu de festa e gran ambiente as inmediacións do antigo Concello de Xeve.
A diversión e a boa música estiveron garantidas polos inchables, o touro mecánico ou os talleres infantís que fixeron as delicias de grandes e pequenos.
Ademais, a xornada estivo amenizada pola charanga Mil9 e polas actuacións de Dan Ale, recanteiro da Mariña, e as sesións a cargo de DJ Josinho e de DJ Bruno.
No Verantroido de Xeve repartíronse ademais bocadillos de salchicha e filloas realizadas polo propio colectivo SondeXeve e tamén houbo sorteos entre as persoas disfrazadas.
Relacionadas:
-
Xeve prepara os disfraces para celebrar o primeiro Verantroido este sábado 27
Por Alejandro Espiño | Creada e actualizada