Dá positivo en alcol en aire expirado e, non conforme, solicita o de sangue, tamén positivo
Por Redacción
A Policía Local de Poio comunicou que localizou a un condutor reincidente en dar positivo nun test de alcoholemia. A proba, realizada este luns foi positiva en aire, pero o home pediu realizar unha extracción de sangue en laboratorio, a cal foi positiva en 0,74.
Segundo fontes policiais, o condutor foi localizado o 15 de agosto nun control da quenda de tarde. Fíxoselle o test de aire e foi positivo.
Unha vez confirmado, informaron o home dos seus dereitos establecidos desta infracción, e o interesado solicitou o dereito para realizar unha extracción de sangue por laboratorio autorizado.
O resultado do test comunicouno este venres o laboratorio, sendo positivo en sangue de 0,74 gramos por litro.
Agora, o condutor enfróntase a unha sanción de 500 euros e a retirada de 4 puntos. Ademais, deberá abonar un total de 129,19 euros pola realización das probas regulamentarias ao dar positivo en sangue.
Relacionadas:
-
Identificado un veciño de Poio por poñer unha placa ilegal de Vao no seu portal
Por Redacción |
-
Un detido por agredir a súa parella, unha intoxicación grave e un taxista que multiplicaba por seis a taxa de alcol
Por Oskar Viéitez |
-
Doce condutores positivos en alcol e sete intoxicacións etílicas na noite da Festa da Auga
Por Redacción |
-
Conduce a súa moto ebrio, sen carné nin seguro e levando dous pasaxeiros sen casco
Por Diego Espiño |