Nova limpeza e novo graffiti para combater o "feísmo" arredor do río Gafos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/920/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62f0d7c77b-0001.jpg)
© Asociación Vaipolorío
![](/web/cache/scene/uploads/fotos/foto/540/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62f0dbc6c1-00003.jpg)
© Asociación Vaipolorío
A Asociación ecoloxista Vaipolorío continúa na súa campaña de limpeza do río Gafos. Este domingo 7, un total de 24 persoas voluntarias participaban nunha nova sesión de recollida de lixo do leito deste río. Nesta xornada recollíanse 90 quilos de residuos espallados por este espazo natural.
Como noutras edicións, nesta ocasión integrantes da Fundación Juan XXIII colaboraron nesta acción. O domingo anterior, coa colaboración de mozas do Centro de Reeducación Avelino Montero, capturáronse 105 quilos de lixo.
A campaña de limpeza continuará durante todos os domingos deste mes de agosto. Para participar só é necesario levar botas altas e roupa adecuada para esta actividade ecoloxista e comunicar o interese en participar antes de cada venres deste mes no teléfono da asociación Vaipolorío: 676.842.942.
GRAFFITI NON MUÍÑO DE CABANAS
Dentro das actividades que a asociación desenvolve dentro do programa Ponteverán, financiado polo Concello de Pontevedra, Vaipolorío anuncia a creación efectuada polo artista gráfico O'Ras no muíño de Cabanas.
Este graffitero, que dirixe actividades con escolares, elaborou unha imaxe dun home maior na porta do muíño onde hai unhas semanas habían aparecido pintadas.
Con estas accións, Vaipolorío leva tres anos loitando contra o "feísmo" na contorna deste espazo natural vinculado ao río Gafos.
Relacionadas:
-
A seca deixa sen auga varios tramos do río Gafos
Por Redacción |
-
Vaipolorío prepara para este domingo 28 a última xornada de limpeza do río Gafos
Por Redacción |
-
Recollidos 75 quilos de lixo dos Gafos no terceiro día de limpeza de Vaipolorío
Por Redacción |
-
Graffitis e natureza mestúranse en Ponteverán arredor do río Gafos e do Camiño Portugués
Por Redacción |
-
Este domingo 31 comeza a campaña de verán de limpeza voluntaria do río Gafos
Por Redacción |
-
Vaipolorío atopa no ENIL do río Gafos unha vertedura de tres toneladas de residuos de obra e electrodomésticos
Por Oskar Viéitez |