Os xardíns, a luz e o mobiliario, únicos retoques pendentes na Rúa Unión
Por Redacción
As obras de humanización da Rúa Unión de Sanxenxo, xunto cos seus viais adxacentes, entraron xa na súa recta final.
O groso dos traballos tanto de canalizacións como de superficies xa están concluídos.
A pedra empregada en superficies como prazas e escaleiras para substituír ao formigón e as baldosas propiciou, segundo o Concello, unha mellora estética e de accesibilidade craves na recuperación dunha contorna en mal estado de conservación e mantemento.
Para concluír a obra tan só restaría o axardinamento, o mobiliario e a iluminación.
En concreto, colocaranse luminarias tipo LED de aluminio coas que se logrará unha maior eficiencia enerxética.
Así mesmo, haberá macetas de diferentes cores que permitirán un axardinamento da zona con variadas especies e plantas que axudarán a mellorar a imaxe desta céntrica contorna.
A actuación, que custou uns 287.000 euros, é financiada a través do Plan Concellos da Deputación de Pontevedra.
Relacionadas:
-
Un millón de euros da Deputación para a transformación urbana e viaria de Sanxenxo
Por Redacción |
-
Telmo Martín colle a paleta na revisión das obras da Rúa Unión
Por Redacción |
-
Adxudicadas as obras de mellora da rúa Unión e as súas transversais
Por Redacción |
-
Sanxenxo proxecta humanizar os viais da parte traseira do consistorio municipal
Por Redacción |