O Servizo Galego de Saúde confirmou este xoves a morte dunha moza de 21 anos que había diagnosticada con covid-19 na área sanitaria de Pontevedra e O Salnés. A falecida, que tiña patoloxías previas, é a vítima máis nova da pandemia en Galicia. 

Así, ata o de agora, a persoa máis nova recollida entre as vítimas do coronavirus en Galicia era unha moza de 24 anos falecida en Ourense o pasado mes de outubro de 2021, pero este novo falecemento en Pontevedra supón romper as estatísticas previas. 

A persoa máis nova falecida con covid-19 en Pontevedra ata o momento fora un mozo de 31 anos veciño da zona de Ou Vao, en Poio, cuxa morte se confirmou en febreiro de 2021. 

Esta nova morte dunha moza de 21 anos confirmouse este xoves, pero xa se rexistrou durante a fin de semana, o sábado 2 de xullo. Coa súa morte, elévanse a 305 o total de falecidos desde o inicio da pandemia na área sanitaria pontevedresa, 76 este ano. 

Este xoves, a Dirección Xeral de Saúde Pública da Consellería de Sanidade informou de 12 falecementos de persoas con coronavirus en Galicia, sendo a pontevedresa a máis nova. Todos eles tiñan patoloxías previas ao diagnóstico da enfermidade. 

O 3 de xullo faleceu na área de Ferrol unha muller de 91 anos; o 4 de xullo, unha muller de 67 en Vigo; e o día 5 de xullo foron 9 os falecidos. Ese día confírmanse dous falecidos de 85 e 91 anos en Santiago e Barbanza; outros dous de 73 e 91 en Ourense, Verín e O Barco de Valdeorras; dous de 90 e 91 anos en Vigo; dous de 87 e 83 na Coruña e Cee; e unha vítima de 91 en Lugo, A Mariña e Monforte de Lemos.

SITUACIÓN DA PANDEMIA NA ÁREA SANITARIA 

Este xoves 7 de xullo, a área sanitaria pontevedresa confirma 101 persoas hospitalizadas con covid-19. Delas, 98 son pacientes ingresados en planta e tres están na unidade de coidados críticos do Hospital Montecelo. 

En canto ao resto de pacientes ingresados, hai 84 no Complexo Hospitalario Universitario de Pontevedra, 3 no Hospital QuirónSalud Miguel Domínguez e 11 no Hospital do Salnés.

Este xoves o Sergas tamén confirma que están baixo seguimento 1.627 pacientes no seu domicilio. Sumados aos ingresados, Sanidade confirma 1.728 casos activos no áreas sanitaria, 117 máis que o día anterior.