Triplica a taxa de alcoholemia batendo contra o baixo dun edificio en Poio
Por Oskar Viéitez
Sobre as seis da tarde deste luns, un turismo que circulaba pola estrada PO-308 na Avenida da Barca, saíuse da vía invadindo a beirarrúa e batendo contra o baixo dun edificio.
Segundo informou a Policía Local de Poio, o condutor deste vehículo foi sometido á proba de alcoholemia na que lanzou un resultado positivo.
Segundo confirman desde a Xefatura da Policía Local, este condutor triplicaba a taxa de alcoholemia máxima permitida ao lanzar senllos positivos de 0,80 e 0,82 miligramos de alcol por litro de aire expirado.
Estes feitos son constitutivos dun delito contra a seguridade viaria, polo que os axentes municipais deron traslado das dilixencias ao xulgado de garda de Pontevedra para a celebración dun xuízo rápido.
Ademais reclamaráselle que pague os danos causados na vivenda.