Comezan as obras de mellora en sete parroquias do rural pontevedrés
Por Redacción
A execución do contrato de tres millóns de euros destinado a realizar obras en sete parroquias de Pontevedra iniciábase esta semana con traballos en Mourente. Durante os últimos días, os operarios interviñan no lugar do Pazo, acometendo a canalización de pluviais e a reparación de distintos puntos.
As obras tamén permitiron conectar as acometidas de auga ás vivendas que aínda estaban pendentes. En Campañó tamén se están realizando traballos coa execución dos muros de contención con reforzo destes elementos, ademais de ampliar a calzada no lugar de Sabarís.
O concelleiro coordinador do rural, Alberto Oubiña, explica que nas próximas semanas continuaranse executando traballos similares no resto de parroquias. Trátase dunha actuación que aumenta a cifra de investimentos no rural. Segundo o concelleiro, neste mandato a cantidade destinada ao rural superará os 100 millóns de euros. "Desde o Concello cremos que estas obras son necesarias para incrementar a calidade de vida da veciñanza que reside no rural", afirma Oubiña.
As obras están previstas en Ponte Sampaio, A Canicouva, Lérez, Lourizán, Mourente, Marcón e Campañó.
Relacionadas:
-
Medio millón de euros para mellorar as parroquias do rural no comezo de 2023
Por Redacción |
-
Pontevedra programa investimentos que supoñerán a creación de máis de 200 postos de traballo
Por Oskar Viéitez & Diana Eiras |
-
Impulsan novas obras de saneamento en Cerponzóns e de abastecemento en Marcón e Tomeza
Por Alejandro Espiño |
-
Revolución da mobilidade en Campañó, que sumará un núcleo de centralidade parroquial
Por Redacción |
-
Alberto Oubiña dá conta das últimas actuacións nas parroquias pontevedresas
Por Redacción |
-
Lembran á veciñanza do rural que solicite a conexión ás redes de saneamento e abastecemento antes de pavimentar as vías
Por Anxo Lourido |