Unanimidade plenaria na aprobación do Plan de Defensa contra incendios forestais en Cuntis
Por Redacción
O pleno celebrado nas últimas horas no Concello de Cuntis aprobaba por unanimidade de todos os grupos o seu Plan Municipal de Defensa contra os incendios forestais, que entrará en vigor de maneira inmediata. Este documento elaborábase despois de que o Concello asinase un convenio coa Fegamp e coa Consellería do Medio Rural.
Grazas a este acordo contratouse o traballo á empresa pública Seaga para intervir nunha superficie de 7.980 hectáreas que afectan ás oito parroquias municipais. O Plan establece as directrices para evitar que se rexistren incendios no territorio. O documento recolle os riscos existentes nas parroquias utilizando como basee situacións previas en épocas de incendios. Ademais, determina e define as faixas secundarias de xestión de biomasa.
Este último paso dado no pleno conclúe a longa tramitación que supuxo abordar esta iniciativa, segundo indica o goberno local. As afectacións e detalles do Plan foron explicados en reunións coa veciñanza das distintas parroquias de Cuntis.
A corporación municipal tamén aprobaba por unanimidade no pleno o deslinde do Camiño da Misa e a desafectación do camiño público situado no lugar de Portela, neste último caso coa abstención do grupo do PP.
Relacionadas:
-
Luz verde ao Plan de Defensa contra Incendios Forestais en Cuntis
Por Redacción |
-
O Goberno adianta o pago de 608.409 euros a Cuntis para favorecer a súa liquidez
Por Redacción |
-
Cuntis aborda a limpeza e acondicionamento das súas áreas recreativas
Por Redacción |
-
O Concello de Cuntis inicia unha rolda de reunións para explicar o plan municipal de defensa contra incendios forestais
Por Redacción |
-
Mans á obra en Cuntis para previr incendios forestais
Por Redacción |