Sanxenxo recibirá a Juan Carlos I "como se merece" cando volva en xuño
Por Alejandro Espiño
Co rei emérito aínda en Sanxenxo, o municipio conta xa os días para recibilo de novo. Juan Carlos I regresará a partir do 10 de xuño, para participar en máis regatas con motivo da celebración da Copa do Mundo de vela na categoría de seis metros.
Para esa cita, segundo explicou o alcalde Telmo Martín, en Sanxenxo estarán "todos preparados para recibilo como se merece".
En declaracións aos medios despois da saída do rei emérito do club náutico, Martín asegurou que o monarca volverá para o mundial, aínda que non puido concretar que día será o da súa chegada nin canto tempo estará na localidade.
"As regatas de vela, se veñen acompañadas dunha figura tan importante como a do rei, a Sanxenxo véñenlle moito mellor", defendeu o rexedor, que definiu como "impagable" a campaña de promoción que o emérito impulsou coa súa presenza estes días.
Sobre esta visita, a primeira a España desde que fixase a súa residencia en Abu Dabi perseguido polo escándalo dos seus negocios irregulares no estranxeiro, o alcalde de Sanxenxo comentou que "no rostro do rei" podíase percibir que "estaba feliz, emocionado e contento".
"Está ben e vese que podes estar con el con total normalidade", subliñou Martín, que cualificou ao monarca como "un cidadán máis que está a pasar aquí uns días".
Relacionadas:
-
O rei emérito atrasa a súa visita a Sanxenxo por motivos "estritamente privados"
Por Natalia Puga & Alejandro Espiño |
-
Lores e Fernández evitaron ao rei emérito no partido do Cisne porque "non quero que se me relacione con ese señor"
Por Natalia Puga & Mónica Patxot |
-
Juan Carlos I deixa Sanxenxo e viaxa a Madrid para reencontrarse coa súa familia
Por Alejandro Espiño |
-
Juan Carlos I, preguntado por se dará explicacións: "¿Explicaciones de qué?"
Por Alejandro Espiño |
-
Domingo de regata para o rei emérito, que espera "muchos abrazos" cando vexa a súa familia
Por Alejandro Espiño |
-
O rei emérito, espectador de excepción no partido do seu neto Pablo Urdangarín contra o Cisne
Por Natalia Puga & Cristina Saiz | Creada e actualizada
-
Decenas de persoas concéntranse contra a visita de Juan Carlos I: "O Borbón fugado non é benvido en Galicia"
Por Natalia Puga & Cristina Saiz |