Denuncian o abandono de ata 26 gatos en Pontevedra en tan só tres días
Por Redacción
A asociación Difusión Felina denunciou o abandono de 26 gatos por toda a cidade de Pontevedra, unha conduta que consideran que "non é acorde" coa sociedade actual.
Os animais apareceron a semana pasada, entre os días 4 e 6 de maio, en rúas tan distantes entre si como Francisco Asorey, a Rúa do Costado, Avenida de Bos Aires e a Rúa Cambria.
Estes gatos, algúns deles recentemente nados, aínda dependen das súas nais e están "totalmente indefensos", segundo Difusión Felina, o que engadido ás altas temperaturas que se rexistraron "púidolles provocar unha angustiosa morte".
Afirman que os gatos apareceron dentro de contedores de lixo ou en caixas de cartón, se bo moitos deles estaban mesmo no interior de transportíns, como os cinco aparecidos á beira do Río Lérez ou os once que deixaron na porta da vivenda dunha alimentadora.
Difusión Felina xa denunciou estes feitos ante as autoridades e piden colaboración cidadá para localizar aos infractores, xa que lembran que o actual Código Penal castiga a quen faga perigar a vida ou a integridade dun animal.
"Dise que a grandeza dunha nación e o seu progreso moral poden ser xulgados pola forma en que se trata ao seu animais pero parece ser que Pontevedra avanza con paso firme no sentido contrario", afirma a asociación, que lamenta que "os obrigados actuar miran cara a outro lado".
Relacionadas:
-
Coidadoras de gatos da rúa, o labor silencioso ao caer a noite
Por María José Pita & Mónica Patxot |
-
Investigan unha muller que deixou morrer de fame e sede un can nunha casa abandonada
Por Natalia Puga |
-
Esixen a aplicación das leis de protección animal
Por Oskar Viéitez |
-
Benestar Animal identifica con carnés aos voluntarios que coidan das colonias felinas do municipio
Por Redacción |
-
O censo das colonias felinas en Pontevedra: 811 gatos atendidos por 55 voluntarios en 103 lugares
Por Natalia Puga |
-
Denuncian a aparición de tres gatos envelenados en Mollavao e outro, en Vilaboa, cun proxectil na columna
Por Redacción |