A gasolineira de Salcedo reparte 200.000 euros no sorteo da ONCE
Por Redacción
Cinco cupóns cun premio de 40.000 euros cada un deixaron un total de 200.000 euros en Pontevedra este domingo. Foi no sorteo extraordinario que a ONCE organizou coincidindo co Día da Nai.
Todos os boletos premiados foron vendidos na estación de servizo de Repsol en Salcedo, un dos establecementos que colaboran coa ONCE na comercialización das súas loterías.
Os agraciados neste sorteo adquiriron o número 16319, no que recaeu o premio.
Ningún deles, con todo, pertencía á serie 098, que outorgaría ao seu propietario o premio gordo deste sorteo, uns 17 millóns de euros.
Ao coincidir as cinco cifras do número, os cinco gañadores de Pontevedra recibirán eses 40.000 euros cada un.
Ademais de en Pontevedra, este sorteo extraordinario do Día da Nai repartiu premios en localidades de Andalucía, Cantabria, Madrid, Comunidade Valenciana e Cataluña.
Relacionadas:
-
O 13 que trouxo a sorte e 105.000 euros a Marín
Por Redacción |
-
Alegría en Raíña Vitoria: un acertante da Bonoloto gaña un premio de 606.000 euros
Por Alejandro Espiño |
-
'Sueldazo' de 2.000 euros ao mes durante 10 anos para un pontevedrés
Por Redacción |
-
'A Primitiva' deixa no Grove 1,6 millóns de euros a un único acertante de Primeira Categoría
Por Diego Espiño & Alejandro Espiño |