Evacúan un operario en helicóptero ao caerlle un tronco enriba nun monte de Caldas
Por Anxo Lourido
Un traballador sufría a rotura dunha perna esta tarde cando realizaba traballados de madeira nunha zona de monte na parroquia de Saiar, segundo informa o servizo de Emerxencias do 112 Galicia.
O tronco dunha árbore caía encima do corpo cando estaba a desenvolver a actividade con outros operarios pasadas as 14.15 horas deste xoves, segundo indicaban fontes da Policía Local de Caldas de Reis.
O 112 Galicia recibiu a alerta da situación a través de Urxencias Sanitarias de Galicia-061 e mobilizou ao helicóptero medicalizado para atendelo na zona.
O operativo decidiu trasladar ao mozo ferido, veciño de Poio, ao Hospital Montecelo de Pontevedra para ser tratado das feridas sufridas na perna.
Desde o CIAE 112 Galicia solicitábase tamén a intervención dos integrantes da Agrupación de Voluntarios de Protección Civil de Caldas de Reis; da Policía Local e da Garda Civil. Estes servizos de emerxencias desprazados á zona tamén colaboraron co equipo médico na evacuación do ferido para o seu traslado en helicóptero, segundo indica o 112.