O Concello acondiciona o parque infantil da Praza da Granxa de Campelo
Por Redacción
A concelleira de Seguridade Cidadá e Deportes, Marga Caldas, pasou revista este xoves ás obras de mantemento que se están a desenvolver desde hai unhas semanas no parque infantil emprazado nas inmediacións da Praza da Granxa, no núcleo de Campelo. As obras están practicamente listas.
A edil do goberno local lembrou que o Concello de Poio desenvolve esta actuación para efectuar unha serie de arranxos na área, dado o seu deterioro.
Ademais da posta a punto dos elementos e xogos que o precisan, tamén se está a substituír o valado de madeira que rodea estas instalacións que, tal e como sinalou, son moi utilizadas polas crianzas da contorna.
Durante estes días procedeuse, a maiores, a dotar ao parque dunha superficie de céspede sintético, garantindo así unha maior comodidade e seguridade.
Esta actuación súmanse a outros traballos que o Concello tamén está a efectuar en espazos ao aire libre tanto en Campelo como noutras áreas de lecer do municipio.
Relacionadas:
-
Inicio da reforma integral do parque infantil de Rosalía de Castro
Por Redacción |
-
Reclaman a construción dun parque infantil na parroquia de Samieira
Por Oskar Viéitez |
-
Reparado o lavadoiro de Saíñas dos danos causados polos vándalos
Por Redacción |
-
Comeza o traslado do parque infantil do Paseo das Redeiras de Combarro
Por Redacción |
-
O parque infantil do Casal de Ferreirós será renovado e terá unha cuberta
Por Redacción |