Comeza o traslado do parque infantil do Paseo das Redeiras de Combarro
Por Redacción
O Concello de Poio iniciou esta semana os traballos para levar a cabo o traslado do parque infantil situado no Paseo das Redeiras, en Combarro, a un espazo máis próximo ao núcleo da parroquia.
A edil de Seguridade Cidadá, a nacionalista Marga Caldas, supervisou as tarefas e lembrou que o Goberno local fará uso desta parcela para a dotación de máis de 20 prazas para estacionamento, que serán de xestión municipal. Neste sentido, a concelleira do Goberno local explicou que a Administración local está pendente da autorización de Portos de Galicia.
"O Pleno aprobou unha concesión para o cambio de titularidade desta zona e estamos á espera de que a Xunta aprobe a proposta", recordou Caldas Moreira.
Á espera de que chegue o permiso, os operarios procederon á retirada dos xogos e aparellos situados nesta área de lecer. Marga Caldas explica que se aproveitará a actuación para revisar e reparar todos os elementos que así o precisen.
O Concello investirá preto de 50.000 euros na posta a punto do parque infantil no seu novo emprazamento, así como no acondicionamento do terreo para as futuras prazas de estacionamento.
Relacionadas:
-
O parque infantil do Paseo das Redeiras, rumbo a unha nova etapa sen moverse de Combarro
Por Redacción |
-
Poio iniciará en setembro o traslado do parque infantil do Paseo das Redeiras
Por Redacción |
-
Reclaman a construción dun parque infantil na parroquia de Samieira
Por Oskar Viéitez |
-
O Concello acondiciona o parque infantil da Praza da Granxa de Campelo
Por Redacción |
-
Primeiros pasos para crear 80 aparcamentos para residentes en Combarro
Por Redacción |
-
Proposta para habilitar 80 prazas de aparcamento no Paseo das Redeiras para residentes no centro histórico de Combarro
Por Redacción |
-
Informe técnico favorable para que a Praza da Chousa en Combarro deixe de pertencer a Portos de Galicia
Por Redacción |