Frustran a chegada ao mercado de mil quilos de marisco furtivo en Arousa e Pontevedra
Por Redacción
Varios operativos contra o furtivismo impediron nos últimos días a chegada ao mercado de preto de mil quilos de marisco e outros produtos do mar recolleitos de forma ilegal. Axentes do Servizo de Gardacostas de Galicia requisaron máis de 963 quilos de distintas especies e 273 aparellos de pesca en distintos puntos das rías de Pontevedra e Arousa.
As actuacións, levadas a cabo en diversos operativos, saldáronse co comiso de máis de 232 quilos de nécora, 42 quilos de camarón, 37 quilos de polbo, preto de 26 quilos de navalla, 168 quilos de ameixa, 49 de ostra, 38 de zamburiña e máis de 17 quilos de carneirolo.
O máis destacado foi o comiso de preto de 353 quilos de centola, especie que se atopa en veda ata este domingo, segundo informou a Consellería do Medio Rural e do Mar.
Por outra banda, os axentes do Servizo de Gardacostas, xunto coa Policía Autonómica, incautaron un total de 273 aparellos de pesca. En concreto, requisáronse un total de 27 salabardos, 88 nasas e 158 cacharros de polbo sen identificar.
Relacionadas:
-
Interveñen marisco furtivo fondeado no porto de Tragove
Por Redacción |
-
Os Gardacostas requisan dúas embarcacións en Arousa en operativos contra o furtivismo
Por Redacción |
-
'Pillan' un furtivo descargando centola e nécora en veda e vieira con toxina en Cambados
Por Natalia Puga |
-
Devolven ao mar 1.200 quilos de berberechos ilegais
Por Redacción |