456 compromisarios da provincia participarán no congreso do Partido Popular de Galicia
Por Redacción
A provincia de Pontevedra será a máis representada no congreso do Partido Popular de Galicia ao contar con 456 compromisarios na 18 edición desa cita, prevista para as xornadas do 21 e 22 de maio en Pontevedra. Desta forma estarán tamén representadas as 61 xuntas locais provinciais.
387 compromisarios electos repartiranse entre todos os municipios. A eles súmanse sete representantes de Novas Xeracións. A delegación tamén estará integrada por 60 persoas da provincia que integran a xunta directiva autonómica na súa condición de compromisarios natos, figura que comparten tamén as persoas que forman parte da comisión organizadora do congreso.
Alfonso Rueda, presidente provincial do PP, mantivo un encontro con coordinadores comarcais durante esta xornada. Todos mostraron o seu apoio "total" á candidatura que presenta para presidir o PPdeG. Durante a reunión manifestaron que Rueda é a persoa indicada para asumir a presidencia tanto pola traxectoria no goberno da Xunta e no partido como pola "capacidade de traballo, dedicación e experiencia" adquirida ao longo dos anos de traxectoria.
O candidato para presidir o PPdeG mantén unha actividade durante os últimos días de recollida de apoios por toda Galicia á súa proposta. Rueda mostrou o seu agradecemento a todas estas manifestacións de apoio e comprometeuse a traballar de maneira intensa para manter a "estabilidade extraordinaria de Galicia e revalidar a cuarta maioría absoluta en 2024".
Tamén indicou que o seu obxectivo está tamén de maneira máis próxima en conseguir que Alberto Núñez Feijóo logre o Goberno de España.
No encontro con Rueda participaron, entre outros, Luís López, secretario xeral do PP de Pontevedra; Julio García Comesaña, coordinador da área de Vigo; Román Rodríguez, de Deza; Elena Estévez, do Morrazo; Fernando Pérez, de Caldas-Umia; Javier Tourís, do Salnés; e Alberto Acuña, da zona de Pontevedra.
Relacionadas:
-
Alfonso Rueda avanza unha "nova etapa" en Galicia na que aplicará "o meu propio estilo"
Por Alejandro Espiño |
-
VÍDEO.- O 'venres noite' máis emocionante da vida política do "xefe"
Por Mónica Patxot & Natalia Puga |
-
Rueda empeza o camiño para suceder ao "insubstituíble" Feijóo: "A quinta maioría absoluta empeza hoxe aquí"
Por Natalia Puga & Mónica Patxot |
-
O PP galego celebrará o 21 e 22 de maio en Pontevedra o congreso da sucesión
Por Oskar Viéitez |