Apropark Pontevedra lanza a campaña #LaOtraCaraDelPárkinson para ofrecer unha imaxe distinta da enfermidade
Por Redacción
O 11 de abril celébrase o Día Mundial do Párkinson. Aproveitando esta data, a Asociación Párkinson Apropark Pontevedra; a Federación Española de Párkinson (FEP) e as asociacións españolas desta enfermidade poñerán en marcha a campaña #LaOtraCaraDelPárkinson.
A idea promovida por Apropark é desmitificar a imaxe errónea que existe sobre esta enfermidade. Queren loitar contra o estigma social e os estereotipos que habitualmente se asocian ao párkinson.
Desta forma, conmunmente relaciónase esta doenza co envellecemento da persoa e a crenza de que o tremor é o síntoma que a representa. Pero una de cada cinco persoas afectadas ten menos de 50 anos no momento en que son diagnosticadas e un 30% dos pacientes non chegan a desenvolver o tremor.
Coa campaña quérese mostrar outras caras da enfermidade ofrecendo a imaxe dunha muller nova, unha persoa que non treme ou que segue traballando a pesar da enfermidade; e tamén deterse na figura das coidadoras. Begoña Cerqueiro, presidenta de Apropark Pontevedra considera que esta iniciativa axudará á integración social dos pacientes e tamén a detectar novos casos que poidan recoñecer os seus síntomas.
Juan Manuel Mouriño, é un dos pontevedreses aos que se lle diagnóstico no ano 2016, cando tiña 52 anos: "O párkinson axudoume a apreciar máis ás persoas que me queren", explica. Antonio Calderón, outro dos protagonistas da campaña, explica que "me diagnosticaron o párkinson porque tiña un trastorno do soño en fase REM, ademais disto non teño ningún síntoma de movemento, nin tremores nas mans, e iso faille ao meu círculo máis próximo estrañarse de que eu teña esta enfermidade". Baudilla Gladys, coidadora desde hai 32 anos do seu marido coa enfermidade, reivindica a necesidade de coidar tamén ás persoas coidadoras: "tamén vivimos a enfermidade", expón.
Son algúns dos casos que figuran nesta campaña que se difunde a través das redes sociais durante todo este mes de abril, con especial incidencia entre os días 7 e 11. Precisamente o luns 11 será cando as redes sociais se enchan doutras caras do párkinson coa promoción que calquera persoa queira facer relacionada coa enfermidade compartindo o seu testemuño a través do cancelo da campaña.
Toda a información está dispoñible tamén en www.laotracaradelparkinson.org.
Este ano celébranse as XIII Xornadas de Parkinson en Pontevedra. Os actos realizaranse no Salón de Actos Edificio Xunta Benito Corbal
Dia 11 Abril 11:00 horas - Antia Blanco. Optometrista. Centro Videre. Centro de Optometria
12:00 h. - Carlos Spuch. Investigador. Instituto de investigación Sanitaria Galicia Sur.
Dia 21 abril 17:30 - Dr Ángel Sesar e Dr Gustavo Fernández Pajarín. Complexo Hospitalario de Santiago de Compostela. Unidade de Trastorno do movemento.
Relacionadas:
-
Andaina solidaria de pacientes de párkinson e familiares
Por Oskar Viéitez |
-
A consulta monográfica de Párkinson e outros trastornos no Hospital Provincial, recoñecida como referente
Por Mónica Patxot & Redacción |
-
RADIO.- A Asociación Provincial de Párkinson perde a hidrocinesiterapia polo peche da piscina de Pontemuíños
Por Marisa Ciordia |
-
Estudan en Pontevedra a realidade virtual como ferramenta terapéutica para persoas con Párkinson
Por Redacción |