O Concello de Pontevedra cualifica como "feminicidio" a morte de Jessica Méndez en Barro
Por Redacción
Anabel Gulías, portavoz municipal do goberno local de Pontevedra, pedía "con prudencia" pero tamén con "firmeza" este luns que as autoridades investiguen o "crime tan horrendo de Barro" no que perdía a vida a moza Jéssica Méndez, natural de Barro pero residente en Pontevedra.
O Concello de Pontevedra considera, segundo as primeiras investigacións realizadas polas Forzas de Seguridade, que se trata dun "feminicidio", explicou Anabel Gulías. Explicou que, segundo os indicios,se trata dun ataque a unha muller acosada, que sofre violencia ata o punto de acabar coa súa vida. A portavoz municipal manifestou que, á marxe do que recolla a actual lexislación estatal, este caso é "violencia machista".
A Unidade Orgánica da Policía Xudicial da Garda Civil de Pontevedra detiña o venres, ao día seguinte de que se producise o suceso, a José Eirín como presunto autor dun homicidio. As investigacións da Garda Civil céntranse en que o impacto non foi accidental, senón provocado. Eirín, segundo os datos recollidos polos axentes, coñecía desde había anos á vítima e levaba moito tempo acosándoa.
Desde o Concello de Pontevedra amosan a súa repulsa e entenden que este tipo de crimes deben de combaterse desde as institucións pero tamén desde a rúa. Neste sentido, Anabel Gulías afirmaba que se os colectivos feministas convocan concentracións "alí estaremos berrando para que este horror acabe dunha vez".
O goberno local enviou tamén unha agarimosa aperta e folgos para familiares e amizades de Jéssica Méndez.
Relacionadas:
-
O Concello de Barro pide unha investigación "exhaustiva" que "verta luz" sobre o "feminicidio" de Jessica
Por Redacción |
-
Clamor unánime en Barro por Jessica: "Arrancáronos o que máis queríamos nesta vida"
Por Alejandro Espiño & Mónica Patxot |
-
O feminismo pide saír á rúa polo "feminicidio" de Jessica: "Non podemos mirar para outro lado"
Por Natalia Puga |
-
VÍDEO.- Prisión para o homicida de Barro, recibido a gritos no xulgado: "Justicia por Jessica, por favor"
Por Natalia Puga & Mónica Patxot | Creada e actualizada
-
Concentración en Barro en repulsa polo homicidio de Jessica Méndez, "vítima do seu acosador"
Por Natalia Puga |
-
Detido por homicidio un condutor por provocar unha colisión frontal na que morreu unha moza en Barro
Por Natalia Puga |