O Concello promociona a reciclaxe entre os escolares de Moraña
Por Redacción
O alcalde, José Cela, acompañado da concelleira María José García Sueiro, acudiu ao colexio Santa Lucía para coñecer de primeira man as ensinanzas que lles trasladaron ao alumnado de Primaria sobre a importancia da reciclaxe e o coidado do medio ambiente.
O Concello organizou esta actividade para promocionar o servizo do punto limpo móbil que ten habilitado Moraña e que permite facer unha recollida selectiva de residuos que precisan dun tratamento especial.
Para promover estes bos hábitos entre os máis pequenos, o punto limpo quedará instalado no centro educativo durante esta semana.
José Cela lembrou que este venres é o Día da Reciclaxe "e por iso queríamos reforzar a súa celebración con esta campaña de concienciación entre os nenos e nenas, que son o futuro tamén do coidado do noso planeta".
Relacionadas:
-
O punto limpo itinerante percorrerá as parroquias de Campo Lameiro
Por Redacción |
-
A Mancomunidade do Morrazo implanta na hostalería a recollida de biorresiduos "porta a porta"
Por Redacción |
-
O punto limpo móbil de Portas, Moraña e Campo Lameiro fai escala no colexio Domingo Fontán
Por Redacción |
-
A bonificación do canon de Sogama durante os últimos tres anos aforrou aos galegos máis de 9,7 millóns de euros
Por Noticia patrocinada |
-
Pontevedra consolida as cifras de reciclaxe en 2021 á espera da "revolución ambiental" do novo contrato do lixo
Por Redacción |