Cubela esixe a Carmela Silva que deixe de usar a Deputación como plataforma de confrontación política
Por Oskar Viéitez
O voceiro do grupo provincial do Partido Popular, Jorge Cubela, esixe a Carmela Silva "que deixe de usar a Deputación de Pontevedra como plataforma de confrontación política".
Cubela sae ao paso das manifestacións da presidenta e o vicepresidente da Deputación, Carmela Silva e César Mosquera, que o pasado venres en rolda de prensa denunciaron o "caciqueo" da Xunta ao beneficiar de maneira "partidista" aos concellos gobernados polo PP.
Silva e Mosquera criticaron "a forma de actuar da Xunta porque é intolerable" xa que "está a asinar convenios a dedo e atendendo á cor política".
Este luns o voceiro provincial do PP pediulle a Carmela Silva "que dea explicacións pola trama corrupta para enchufar á súa cuñada".
Ademáis Cubela sinalou que "o nerviosismo da presidenta provoca que xa confunda a sala de prensa do Pazo provincial coa sede do PSOE" e engadiu que "as acusacións ao Goberno galego son unha cortina de fume" e que "a estratexia de escapismo de Carmela Silva sempre é o mesmo, culpar á Xunta e ao PP".
Relacionadas:
-
O PP considera unha "vitoria política" que o xulgado obrigue á Deputación a convocar un pleno para abordar a petición de dimisión de Carmela Silva
Por Oskar Viéitez |
-
A Deputación critica o "caciqueo" da Xunta ao beneficiar de maneira "partidista" aos concellos gobernados polo PP
Por Oskar Viéitez |