Rescatan catro cadelas atrapadas nun barranco en Poio
Por Oskar Viéitez
A Policía Local de Poio rescatou catro cadelas que estaban atrapadas nun barranco na zona de Río Mouro.
Segundo informaron desde a Xefatura da Policía Local, o suceso tivo lugar este mércores sobre a unha da tarde, cando un particular alertou aos axentes da presenza destes animais.
Ao propietario destas cadelas abríronlle un expediente na Consellería de Medio Ambiente da Xunta de Galicia, por varias infraccións, unhas graves e outras moi graves.
Entre elas atópase a de non adoptar as medidas necesarias para evitar o seu extravío, unha infracción grave e da que ademais este individuo é reincidente.
Outro feito valorado como "moi grave" é a tenencia "sen licenza" destes animais considerados cans potencialmente perigosos e omitir a súa inscrición no correspondente rexistro. Por último, tampouco acreditou ter un seguro de responsabilidade civil.
Ademais, os axentes municipais están a investigar se estas catro femias estaban a ser utilizadas para a cría con fins comerciais, algo que só está permitido en establecementos autorizados.
Relacionadas:
-
Unha veciña de Poio enfróntase a 30.000 euros de multa polos ataques dos seus cans a viandantes
Por Redacción |
-
Os axentes municipais de Poio atenderon máis de 50 auxilios humanitarios o pasado ano
Por Redacción |
-
Máis de 8.000 sinaturas apoian a proposta da pontevedresa que solicita a eliminación da pirotecnia ruidosa
Por Cristina Saiz & Anxo Lourido |
-
Benestar Animal desenvolve obradoiros escolares para sensibilizar sobre a tenencia responsable de mascotas
Por Redacción |
-
Benestar Animal pide axuda para identificar a persoa que disemina veleno para cans na contorna da avenida de Bos Aires
Por Redacción |
-
Un can solto reincidente ataca a outro causándolle feridas de gravidade
Por Raquel Currás Martínez |