Os celadores manifestanse nas proximidades do Hospital para reclamar contratacións ao SERGAS
Por Redacción
Ao redor de setenta celadores e representantes sindicais manifestáronse polas rúas próximas ao Hospital Provincial ás 11:00 horas deste venres 8 para reclamar que se cubran as baixas laborais con celadores que se encontran apuntados nas listas do Complexo Hospitalario de Pontevedra.
Con cánticos contra a xerencia dos hospitais de Pontevedra e contra a privatización, os representantes sindicais e celadores pretenden denunciar o inmobilismo que se rexistra na lista de contratacións na que se encontran preto de 600 traballadores que apenas son chamados.
Segundo o SERGAS, a redución dos días de libre disposición foi o que levou consigo a que se produzan menos movementos nas listas ao descender as necesidades de substitución.