'De voda con Nerea' regresa para inspirar ás parellas coas súas propostas nupciais
Este ano 'De Voda con Nerea' regresa a Pontevedra con actividades programadas para a fin de semana do 18, 19 e 20 de febreiro. A finalidade desta feira é concentrar en dous días a maior oferta comercial do sector coas parellas que teñen previsto a corto ou largo prazo a celebración do seu enlace.
A tarde do venres 18 adicarase a unha xornada de networking pechada ao público, onde empresas relacionadas coas celebracións nupciais poderán crear sinerxias e darse a coñecer a través de cincuenta stands.
A diversidade de proveedores pasará por autocares e iluminación, chegando ata maquillaxe, perruquería ou fotógrafos, de acordo coa información aportada este martes pola concelleira de Promoción Económica e Turismo, Yoya Blanco xunto á representante do salón nupcial La Boda de Nerea e responsable da organización do evento, Mal Calvar.
O sábado 19 e domingo 20 retómase a actividade no recinto feiral desde as 11:00 da mañá ás 14:00 e de 16:00 a 20:30 da tarde. As persoas asistentes poden ser madriñas, parellas ou calquera interesado en inspirarse con ideas para celebracións, que terán a oportunidade de coñecer de maneira directa as empresas que as poidan levar a cabo.
Ademais, contarase con varios desfiles de moda con roupa de noiva e de comuñón grazas á participación de Olga Modas e Trasniños, un concerto de Xarima eventos e talleres infantís.
As entradas estarán dispoñibles na billeteira o propio día, segundo indican a través do seu Instagram.