Un home de 79 anos, ferido grave tras ser atropelado nun paso de peóns na Barca
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un veciño de Poio de 79 anos resultou ferido grave na tarde deste domingo tras ser atropelado na avenida da Barca deste municipio
Segundo a información facilitada pola Policía Local, o atropelo produciuse a última hora da tarde deste domingo, sobre as 20.00 horas. Un turismo atropelou un peón cando cruzaba polo paso de peóns.
O septuaxenario sufriu lesións graves e tivo que ser trasladado por unha ambulancia do 061 a un centro hospitalario.
Ata o lugar do accidente desprazáronse axentes da Policía Local de Poio, que agora investigan a causa do sucedido.