Os técnicos superiores sanitarios mobilízanse para reclamar a titulación universitaria
Por Oskar Viéitez
Cunha concentración ás portas do Hospital Provincial de Pontevedra os técnicos superiores sanitarios arrincaron este martes o calendario de protestas para reivindicar a creación dun "marco de diálogo institucional transparente", agora inexistente, que atenda as súas demanda dunha formación universitaria.
Segundo denuncian, España é o único caso de segregación dos títulos académicos provocando desvalorización profesional con respecto aos homólogos europeos e impedindo o recoñecemento automático das súas cualificacións.
Propoñen unha emenda no Senado á nova Lei de Formación Profesional solicitando a suspensión transitoria na súa aplicación en atención ao carácter de profesións sanitarias reguladas.
En concreto, piden que se unifiquen estas catro titulacións actuais de formación profesional de grao superior en dúas titulacións académicas de grao universitario de 240 ECTS cada unha.
Para o próximo día 23 de febreiro volveron a convocar concentracións nas portas dos Centros Sanitarios e o día 5 de Marzo celebrarán unha manifestación en Madrid.
Relacionadas:
-
Volven as protestas dos técnicos superiores aos centros sanitarios para poñer en valor os seus títulos
Por Redacción |
-
Concentración de Técnicos Superiores Sanitarios para reivindicar equiparación cos profesionais homólogos europeos
Por Anxo Lourido |
-
O persoal Técnico Sanitario celebrará o seu día cunha xornada de visibilización da súa traxectoria profesional
Por Redacción |