A rehabilitación integral do barrio das Pedreiras comezará o próximo luns
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/19b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/61f176b437-marin-inicio-primeira-fase-obra-pedreiras.jpg)
© Concello de Marín
Os concelleiros marinenses Pablo Novas e Marián Sanmartín acudiron este mércores ata a zona de Pedreiras para reunirse coa empresa que executará a primeira fase da rehabilitación integral deste barrio.
Dende o Concello de Marín informan de que se trata dun proxecto complexo pola orografía propia da zona pero que suporá unha mellora a nivel estético, urbanístico e medio ambiental.
En total, a actuación consistirá en catro fases de execución e suporá un investimento de 843.000 euros. O luns 31 de xaneiro arrancará a primeira das fases, na que está previsto actuar na rúa de Pedreiras de Arriba, nunha extensión de aproximadamente 700 metros cadrados. Na actuación realizarase unha reforma integral da zona, rehumanizando a rúa e renovando todos os servizos.
Os traballos faranse tratando de afectar o mínimo posible ao tráfico, aínda que pola propia natureza das obras será preciso levar a cabo cortes puntuais, segundo informa o goberno local.
As seguintes fases afectarán á rúa de Pedreiras do Medio (fase 2), rúa de Pedreiras de Abaixo (fase 3) e ao Lavadoiro e os camiños da Fonte de Pedreiras (fase 4).