![](/web/cache/scene/uploads/fotos/foto/fbc/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/60083e6fb3-20200120-patxot-premios-cidade-pontevedra-0066.jpg)
© Mónica Patxot
Tes unha proposta para o premio Cidade de Pontevedra? O Concello xa abriu o prazo para as candidaturas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Desde este martes 7 de decembro permanece aberto o prazo de presentación de candidaturas aos premios Cidade de Pontevedra. As persoas, asociacións, entidades ou colectivos interesados poderán presentar as súas propostas no Rexistro do Concello ata o 5 de xaneiro de 2022.
Segundo lembra o Concello, as propostas deberán levar unha memoria xustificativa que explique os méritos do designado.
Como xa é coñecido, os Cidade de Pontevedra teñen dúas modalidades, persoa física e persoa xurídica. Para cada unha das modalidades outorgarase un único premio, que consistirá nun Teucro de prata e un diploma.
O xurado valorará o labor desenvolvido polos candidatos, sobre todo, no último ano e a proxección de Pontevedra e os pontevedreses derivada delo.
Os galardóns serán entregados nun pleno extraordinario de honra que se desenvolverá o 20 de xaneiro, día de San Sebastián patrón da Boa Vila.
Relacionadas:
-
O Club Tenis de Mesa Monte Porreiro, Carmen Quinteiro, Nené, Anxo González Guerra e Vitoria Ogando optan aos Cidade de Pontevedra
Por Redacción |
-
Pontevedra recoñece a "valentía" e o "compromiso" de quen "nos fixeron avanzar en momentos adversos"
Por Alejandro Espiño & Mónica Patxot |
-
O persoal sanitario e a futbolista Paula Dapena, premios Cidade de Pontevedra
Por Redacción |