O persoal sanitario e a futbolista Paula Dapena, premios Cidade de Pontevedra
Por Redacción
Os premios Cidade de Pontevedra de 2020 xa teñen gañadores. O xurado decidía este martes 12 que o premio colectivo recaese en mans dos profesionais dos centros sanitarios por todo o labor realizado durante os últimos case doce meses de pandemia e, o individual, para a futbolista Paula Dapena, que se negou a gardar un minuto de silencio antes dun partido como homenaxe a Maradona polo seu historial de malos tratos cara ás mulleres.
Despois da reunión do xurado, que acordou conceder os galardóns por unanimidade, a concelleira de Cultura, Carmen Fouces, compareceu diante dos medios para explicar os motivos deste acordo. "Foi un xesto moi valente de loita contra a violencia de xénero", dixo para poñer en valor o acto realizado por Paula Dapena, que sentou de costas, mentres as súas compañeiras de equipo e do cadro rival, o Deportivo, permanecían de pé en silencio lembrando a figura do astro arxentino.
"É unha referente para a mocidade por plantarse e aguantar a presión, que non foi pouca", puntualizou en referencia ás ameazas chegadas de todos os recunchos do planeta proferidas polos seguidores máis radicais do Pelusa.
A repercusión mundial deste xesto e a súa activa participación na loita feminista foron outros factores que decantaron a balanza ao lado da deportista pontevedresa en lugar de Raquel Mera, defensora da escola rural, que quedou como finalista.
Na categoría colectiva, os traballadores do equipo covid do Complexo Hospitalario Universitario de Pontevedra impuxéronse tamén por unanimidade á Asociación de Veciños de Monte Porreiro. Sen restar un chisco de valor ao labor desa asociación que organiza decenas de actividades e ten un marcado acento solidario, Fouces explicou que se trata de "agradecer ou esforzo" durante case 12 meses de todos os traballadores.
A invitación para recoller o premio estenderase a todo o persoal, sanitario e non sanitario, do equipo covid dos hospitais pontevedreses e será o propio persoal a que eliga aos representantes "que queremos que sexa ou máis plural posible" que recollan o distintivo.
Pechou o seu discurso a concelleira de Cultura lembrando ao último gañador do premio Cidade de Pontevedra, Francisco Barbeito, dono de Cristalería Pontevedresa, falecido a finais do 2020.
Relacionadas:
-
Paula Dapena comparte escenario con Ruth Beitia ou Leire Olaberria para defender a esencia do deporte feminino
Por Manu Otero |
-
Tes unha proposta para o premio Cidade de Pontevedra?
Por Redacción |
-
O Concello compra 100 camisetas co nome de Paula Dapena para regalar a escolares
Por Redacción & Mónica Patxot |
-
Pontevedra recoñece a "valentía" e o "compromiso" de quen "nos fixeron avanzar en momentos adversos"
Por Alejandro Espiño & Mónica Patxot |
-
Alejo, enfermeiro do equipo covid do CHUP: "Os traballadores da área dámolo todo e conseguimos saír de moitos gromos"
Por Manu Otero |
-
Paula Dapena: "Volvería repetir ese xesto unha e outra vez"
Por Manu Otero |
-
Raquel Mera, Paula Dapena, o persoal sanitario e O Mirador optan aos Premios Cidade de Pontevedra
Por Redacción |
-
Paula Dapena, "orgullosa" de ter "a oportunidade de dar voz a moitas" co seu xesto feminista sobre Maradona
Por Natalia Puga & Mónica Patxot |
-
A pontevedresa que se negou a gardar un minuto de silencio por Maradona
Por Natalia Puga |
-
VÍDEO.- Sanitarios, ambulancias e veciñanza fúndense nun aplauso colectivo ante o Hospital Provincial
Por Diego Torrado & Redacción |
-
O aplauso ao persoal sanitario é "un chute de ánimo"
Por Oskar Viéitez |