Poio anima a esterilizar os gatos para evitar que aumenten as colonias felinas
Por Redacción
Unha campaña impulsada polo colectivo Castro, luego existo, na que colabora o Concello de Poio, animará á veciñanza a esterilizar os gatos que hai no municipio, co obxectivo de manter baixo control as colonias felinas.
Os propietarios destes animais poderán esterilizalos a un prezo reducido durante os días 20 e 21 de novembro.
No prezo tamén se inclúe o desprazamento e a captura, que será asumida pola asociación. A intervención consistirá nunha incisión mínima, que non requirirá de postoperatorio.
As persoas interesadas en tomar parte nesta iniciativa poden obter máis información e anotarse chamando ao número de teléfono 600231205.
Entre os descontos que se ofrecen figura, a maiores, a dotación de microchips, tanto para cans como para gatos, por 30 euros.
A colaboración do Concello de Poio neste iniciativa forma parte da folla de ruta activada pola Concellería de Medio Ambiente á hora de impulsar medidas que axuden a establecer un control das colonias de gatos existentes no municipio
Este traballo, destaca desde o Concello, permitiu xa ter controlados algúns focos, como o detectado hai uns meses en Río Tambre, na parroquia de San Salvador, ou en Combarro.
Na folla de ruta do departamento municipal tamén está actuar noutros lugares de Samieira, San Xoán ou Raxó, entre outros.
Relacionadas:
-
Férrea marcaxe ás colonias de gatos rueiros por parte do Concello de Poio
Por Redacción |
-
Unha familia adopta a "Poli", un can cego que foi rescatado cando estaba desnutrido e moribundo
Por Oskar Viéitez |
-
137 gatos foron esterilizados este mes de novembro na campaña de 'Castro, luego existo'
Por Redacción |
-
Poio perfila un plan para esterilizar os gatos que viven na rúa
Por Redacción |
-
Buscan os responsables do abandono dunha gata nunha bolsa precintada
Por Oskar Viéitez |