O Concello desbloquea os 3,2 millóns para a compra de Santa Clara
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Pontevedra celebrou este xoves unha Xunta de Goberno extraordinaria na que deu por pechado o expediente administrativo para a compra do convento de Santa Clara.
Este acto permite desbloquear os 3,2 millóns de euros que suporá a adquisición do mosteiro, tal e como se acordou coa congregación das Clarisas.
O seguinte paso é remitir a documentación á Notaría, que se fará nas vindeiras horas. Comprobará a validez do expediente e elaborará o documento de compra-venda do mosteiro para incorporalo ao patrimonio público, que deberán asinar ambas partes. Polo Concello será o alcalde Miguel Anxo Fernández Lores.
Con esa sinatura rematará o proceso de compra: "o fito histórico máis importante da cidade, despois da incorporación da Alameda ao entramado urbano no século XIX", segundo o Goberno local.