166 persoas participaron na camiñada de Ponteandadas polo río dos Gafos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un total de 166 persoas participaron na mañá deste domingo no segundo roteiro do programa Ponteandadas. Nesta ocasión, os participantes percorreron a contorna do río dos Gafos a través do lugar de Cabanas, en Salcedo.
Impulsada pola Concellería de Deportes, Actividade Física e Saúde no marco do seu proxecto A Vida é Movernos, a camiñada, marcada e indicada con frechas amarelas, desenvolveuse en base un estrito protocolo anti-covid, do mesmo xeito que a anterior saída.
Así, realizáronse grupos dun máximo de 20 persoas con recepción nun circuíto valado localizado na Praza do Gremio de Mareantes e medidas de prevención, mascarilla obrigatoria, distancia mínima de dous metros e a necesidade de respectar as indicacións dos monitores, de non adiantalos e de manterse sempre no mesmo grupo. Tamén contaron con servizo de ambulancia.
A seguinte ruta de Ponteandadas será o domingo 24 de outubro no parque forestal da Fracha e con saída desde a área recreativa ás 10:00 horas. Ademais, a Concellería ten previstas dous roteiros máis, un polo encoro do Pontillón do Castro para o 7 de novembro e outra polo parque forestal da Tomba para o 21 de novembro.
As persoas interesadas en participar poden inscribirse coa firma Naturgaliza a través da dirección de correo electrónico ponteandadas@gmail.com ou o whatsapp 625 48 26 36. O máximo de participantes é de 200 por roteiro.
Relacionadas:
-
Ponteandadas bota o peche á súa edición de 2021 con concorrida andaina polo parque forestal da Tomba
Por Redacción |
-
A Praza de España acollerá novas propostas municipais para facer ximnasia na rúa
Por Redacción |
-
Ponteandadas bate récord coa súa andaina polo Pontillón do Castro
Por Redacción |
-
Máis de 150 persoas coñecen o parque forestal da Fracha a través dunha Ponteandada
Por Redacción |
-
Pizza de froitas, torta de castañas e divertidos espantallos, no vindeiro Ganapán
Por Redacción |
-
A Alameda acollerá obradoiros de Percuterapia
Por Redacción |
-
Ponteandadas retoma as rutas este domingo coas prazas esgotadas
Por Redacción |
-
Un domingo para camiñar pola cidade con PonteSán e a primeira das PonteAndadas
Por Redacción |
-
Regresan as Ponteandadas tras o parón da pandemia
Por Mónica Patxot & María José Pita |