Campelo xa ten aparcamentos disuasorios
Por Redacción
O núcleo de Campelo xa dispón de 30 novas prazas gratuítas de estacionamento. Os concelleiros Chelo Besada e Gregorio Agís inspeccionaron este martes o estado das parcelas, que xa están listas para entrar en funcionamento.
Os traballos de adaptación dos terreos fixéronse realidade logo de que chegaran a bo porto as negociacións realizadas pola concelleira de Obras e Servizos cos propietarios destas fincas privadas, que accederon a cedelas para poñer solución á falta de aparcadoiros na zona. As dúas parcelas atópanse na rúa Pedro Soto e en Padre Avelino, próximas ao núcleo de Campelo, polo que “poderán ser utilizadas non só polos veciños, senón tamén por todas as persoas que teñan que achegarse ao lugar para realizar algún tipo de xestión", sinala a alcaldesa en funcións.
En total, os operarios traballaron na posta a punto dunha superficie que ascende a preto de 1.000 metros cadrados. Unha das parcelas dará cabida a 18 vehículos e outra a 12. E esta non será a única actuación encamiñada a dotar de aparcadoiros a Campelo. As negociación para conseguir novas parcelas continúan e non é algo exclusivo de Poio, este verán xa dotaron de aparcamentos disuasorios ás parroquias de Raxó e San Salvador.
Relacionadas:
-
Os propietarios autorizan ao Concello habilitar un aparcadoiro nunha parcela en Valiña
Por Redacción |
-
Xa está pechada a compra de parcelas polo Concello para dotar a Anafáns de 20 prazas de estacionamento
Por Redacción |
-
Habilitarán un aparcamento disuasorio en Valiña, no núcleo de San Salvador
Por Redacción |
-
O Concello de Poio adapta dúas leiras en Campelo como aparcamentos disuasorios
Por Redacción |
-
400 novas prazas de aparcadoiro serán creadas en San Salvador e preto da igrexa de Samieira
Por Redacción |