O Concello de Poio adapta dúas leiras en Campelo como aparcamentos disuasorios
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/ef9/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/610931832a-aparcamentos-campelo.jpg)
© Concello de Poio
O Concello de Poio habilitará proximamente novas prazas de estacionamento no núcleo de Campelo. A Xunta de Goberno Local aprobou este martes a tramitación para o uso de dous terreos de titularidade privada que serán destinados a aparcamentos disuasorios.
Con esta medida o goberno local dá resposta a unha demanda veciñal, posto que as últimas actuacións de reforma e mellora da seguridade viaria nas estradas da zona obrigaron a reducir o espazo para aparcar.
Unha vez asinado o contrato, que foi posible pola cesión dos terreos dos particulares despois de que a concelleira de Obras, Chelo Besada, contactase con eles, o Concello procederá á posta a punto destas parcelas que terán unha capacidade de 30 vehículos, 18 na máis grande e 12 na de menor tamaño.
O Concello traballa tamén na habilitación doutras parcelas como aparcamento na contorna do centro de saúde de Anafáns.