Viaqua actuará no xacemento de García Escudero para evitar as augas estancadas
Por Oskar Viéitez
O Concello de Pontevedra tramita un expediente por obras de emerxencia no conxunto arqueolóxico da praza de Valentín García Escudero.
Segundo explicou este luns a portavoz do goberno local, Anabel Gulías, o Concello solicitáralle un informe á Oficina Técnica de Arquitectura e Planeamento e tamén ao arqueólogo municipal para coñecer o estado no que se atopa este recinto musealizado despois de que se detectase a presenza de auga no mesmo.
Os técnicos municipais e os da empresa Viaqua, concesionaria da xestión do ciclo integral da auga en Pontevedra, confirmaron a existencia dun "problema de drenaxe" que provoca que tanto a auga de choiva como a subterránea procedente das mareas "quede no propio xacemento".
Esta situación supón un "risco dobre", segundo detallou Anabel Gulías, por unha banda está a conservación deste patrimonio arqueolóxico e ademais "estas augas estancadas poden xerar un problema de salubridade".
Por estes motivos o Concello contratou polo procedemento de emerxencia á empresa Viaqua para que arranxe esta drenaxe por 10.881 euros.
Esta empresa estima executar os traballos nun mes. Unha vez concluídos o arqueólogo municipal comprobará que esta deficiencia está emendada.
Relacionadas:
-
RADIO.- Pontevedra serve de escenario á historia de 'Stricta funis. En la cuerda floja', primeira novela de Perfecto Luís Souto
Por Redacción |
-
Conclúe a reparación da drenaxe do espazo arqueolóxico de Valentín García Escudero
Por Redacción |
-
Reformado o parque infantil de Valentín García Escudero cun investimento de 12.000 euros
Por Redacción |
-
Lavado de cara para o Campiño de Santa María e a praza de Valentín García Escudero
Por Redacción |
-
Limpan os espazos arqueolóxicos de Valentín García Escudero e Santa María
Por Redacción |