As obras do AVE obrigan a cortar un carril de circulación na Seca
Por Redacción
As obras do trazado do tren de alta velocidade obrigan a pechar un carril de circulación no barrio da Seca. A medida prolongarase durante nove horas, entre as 22.00 da noite deste martes e as 7.00 horas da mañá do mércores.
A Policía Local regulará a circulación para minimizar o impacto entre os condutores. A rúa non quedará totalmente cortada ao tráfico para ningún dos sentidos da circulación, pois os axentes darán paso alternativo aos vehículos.
O peche realizarase pasada a barriada da Seca, á altura da ponte do ferrocarril que cruza o barrio.