Avanzan os traballos en San Pedro coa instalación do céspede sintético
Por Redacción
As obras de mellora do campo de fútbol de San Pedro seguen o seu curso. Esta semana estase procedendo á colocación do céspede sintético.
A concellería de Deportes fai un seguimento a esta actuación de remodelación do céspede do campo de fútbol de San Pedro, que pasará a ser de herba sintética de última xeración e ao que se lle realizará un lastrado con area de sílice e caucho.
O céspede estase colocando sobre a base de asfalto existente tras realizar as oportunas nivelacións, necesarias en distintas zonas do actual terreo de xogo. Ademais, mellorouse a rede de rego engadindo cañóns de aspersión de auga de tipo emerxente.
A empresa Prace Servicios y Obras é a encargada desta tarefa, xa que foi a que mellor oferta presentou entre as 11 candidatas que concorreron á licitación. As obras adxudicáronse por un importe de 405.230,40 euros e a empresa comprométese a que estarán rematadas para o inicio da temporada.
Esta mellora tamén permitirá que no campo se continúe a práctica de fútbol 11 e de dous partidos simultáneos de fútbol 7 en campo corto.
En canto ao equipamento, a novidade será que as porterías de fútbol 7 serán pregables, con recollida na varanda que arrodeará o perímetro do xogo, segundo as distancias homologadas.
Dentro do proxecto, xa se demoleu a bancada descuberta, que pasará a ser parte do céspede, de tal xeito que este terreo gañado poida ser destinado ao quecemento para os diferentes deportes. O muro de lonxitude desa mesma zona foi tamén derrubado e substituído neste caso por outro a base de formigón armado.
Estes traballos súmanse a outras melloras implementadas en San Pedro, como a renovación das pistas e de toda a zona de vestiarios e baños, a instalación de asentos en toda a bancada cuberta ou a renovación do banco de suplentes e do marcador.
O Estadio Municipal de San Pedro é unha instalación deportiva moi utilizada por diferentes entidades de Marín, tanto de fútbol como de atletismo. Uns 250 usuarios utilizaban esta estrutura a diario, antes do inicio da pandemia.
Relacionadas:
-
O PSOE critica a pouca distancia de separación dos valos no campo de fútbol de San Pedro
Por Redacción |
-
Os traballos de renovación do campo de fútbol de San Pedro entran na súa recta final
Por Redacción |
-
Arrancan as obras para cambiar o céspede do Campo de fútbol de San Pedro
Por Redacción |
-
Marín adxudica o proxecto para dotar de herba sintética ao estadio de San Pedro
Por Redacción |
-
O Estadio Municipal de San Pedro contará con novo céspede sintético
Por Redacción |
-
A reforma do aparcadoiro do estadio de San Pedro, a un paso de estar rematada
Por Redacción |