A Autoridade Portuaria de Marín e Ría de Pontevedra investirá 37 millóns de euros en catro anos
Por Redacción
O presidente de Portos do Estado, Francisco Toledo, mantivo este luns unha videoconferencia con José Benito Suárez Costa, presidente da Autoridade Portuaria de Marín e Ría de Pontevedra, na que acordaron o Plan de Empresa 2021-2025 para a entidade, período en que se investirán 37 millón de euros.
O Plan contempla un importante esforzo investidor co obxectivo de fomentar a reactivación económica da contorna e atender ás previsións de demanda en canto a servizos e infraestruturas.
Entre os proxectos programados atópanse os de mellora de calados en accesos marítimos, os de aumento de capacidade das infraestruturas de atracada e almacenamento, actuacións asociadas a seguridade marítima, á sustentabilidade ambiental e á mellora da accesibilidade viaria.
Ademais, destacan partidas destinadas á remodelación e mellora das instalacións e infraestruturas para o sector pesqueiro, á automatización e monitoraxe da rede ferroviaria e a actuacións porto-cidade.
Durante o encontro de presidentes tratouse ademais do establecemento de coeficientes correctores na taxa do buque, pasaxe e mercadoría e de aplicar diferentes bonificacións para incentivar a captación, fidelización, e crecemento dos tráficos e dos servizos marítimos.
Relacionadas:
-
Asinado o convenio polo que Marín e a Xunta cofinancian os 4 millóns de euros do novo auditorio
Por Redacción |
-
200.000 euros para renovar a cuberta da tendedeira de redes no Porto de Marín
Por Redacción |
-
Intensifícase a campaña de pesca conxelada no Porto de Marín coa descarga de 5 buques
Por Redacción |
-
O Porto de Marín reduce taxas ás empresas para paliar os efectos da crise
Por Redacción |