Asinado o convenio polo que Marín e a Xunta cofinancian os 4 millóns de euros do novo auditorio
Por Redacción
O novo auditorio de Marín será o punto de encontro entre a vangarda, as manifestacións culturais dos vindeiros anos e o legado histórico-cultural dvila mariñeira. Así o puxeron de manifesto o vicepresidente primeiro e conselleiro de Presidencia, Xustiza e Turismo, Alfonso Rueda, e a conselleira de Medio Ambiente, Territorio e Vivenda, Ángeles Vázquez, durante a sinatura do convenio de colaboración entre a Xunta de Galicia e o Concello de Marín, representado pola alcaldesa María Ramallo.
"Hoxe é un día importante para Marín, para que poidamos gozar de toda a cultura, o ocio e a dinamización, dotando á nosa vila dunha infraestrutura cultural equipada e chea de posibilidades", manifestou a alcaldesa María Ramallo.
O vicepresidente primeiro da Xunta, Alfonso Rueda, resaltou que "é un día importante para Galicia" e para a vila de Marín, froito dun acordo "entre dúas administracións que están a facer un esforzo importante que valerá a pena cun resultado para desfrutar todos os veciños".
A conselleira Ángeles Vázquez indicou que este edificio será o referente cultural en Marín para as vindeiras décadas, no que converxerán os movementos e manifestacións culturais, sendo un polo de dinamización do municipio. A conselleira recordou que en 2024 o auditorio deberá estar a disposición dos veciños.
O orzamento de execución deste equipamento municipal fíxase nos 4 millóns de euros, cofinanciados ao 50% polas dúas partes: Concello de Marín e Consellería de Medio Ambiente, Territorio e Vivenda. O edificio terá unha superficie total construída de 2.700 metros cadrados e ubicarase nunha parcela entre o recinto portuario e a Escola Naval.
Todos os presentes destacaron que esta colaboración tamén permite mellorar a oferta de equipamentos sociais e culturais no núcleo urbano, con déficit deste tipo de dotacións, ao tempo que se fomenta a rexeneración económica, social e ambiental das inmediacións da única zona industrial do porto de Marín.
Relacionadas:
-
Aprobada por unanimidade a construción do novo auditorio de Marín
Por Redacción |
-
Marín asumirá con fondos propios a quinta parte do custo total do futuro auditorio
Por Redacción |
-
Aprobado definitivamente o estudo de detalle do proxecto do Auditorio de Marín
Por Redacción |
-
A Autoridade Portuaria de Marín e Ría de Pontevedra investirá 37 millóns de euros en catro anos
Por Redacción |
-
A Xunta cofinanciará con 2 millóns de euros á construción do novo Auditorio de Marín
Por Redacción |
-
Haberá colaboración económica da Xunta para financiar o novo auditorio de Marín
Por Redacción |
-
Presentan o documento que marcará as liñas construtivas do Auditorio de Marín
Por Redacción |